Aldo Salamino | |
|
Tempo di lettura: 1 minuto
Quànne sunáve ‘na bànde, ‘n’ orchèstre, pe’ sende’ n’òtra vóte ‘a stèssa canzóne se decéve: Maèstre, ‘a stèsse! Accussì jè c’u Tàrde nuèstre. Hònne cacciáte ‘nu segnóre allenatóre: RAGNO, pe’ pigghia’ n’òtra vóte a PANARELLE, fòrse piccè l’hònne pajáte quàttre sòlde? Sparágne e cumbarìsce se dìce. Mah! Ce fegúre c’avìme fàtte! Quàttre sciucatúre sfatiáte ca no’nge hònne sciucáte jìndr’ o secònde tèmbe pe’ fa’ cacciáre l’allenatóre. E ce v’u dìce ca ste’ cambiúne no’ faĉene ‘a stèssa cóse púre cu Panarèlle? Ije le pigghiáve a ùne a ùne e le mannáve a ffa’ le còzze núte! Jè sémpre ‘a stèssa stòrie! Stáme sèmpre pànne a úne! Tròppe cristiáne mèttene máne jìndr’u pallóne ‘a Tàrde! Accussì rumanìme sèmpre jindr’a mogghie. Dilettantiiiiiiiiiiiiiiiiiiiiiiiiiiiii!
‘Nu salúte tarandìne da Catávete Salamìne e sèmbre forza Tàrde nuèstre!...Facìtava cala’!